Perezida Kagame yasuye ikirombe cya Nyakabingo gicukurwamo Wolfram nyinshi muri Afurika

Kuri uyu wa Gatanu, Perezida Kagame yasuye ikirombe cya Nyakabingo giherereye mu Karere ka Rulindo mu Murenge wa Shyorongi, kikaba ari cyo cya mbere muri Afurika gicukurwamo amabuye menshi azwi nka ‘Wolfram’.

Amabuye y’agaciro yo muri iki kirombe acukurwa na Sosiyete y’Ubucukuzi bw’Amabuye y’Agaciro ya Trinity Metals Group.

Nibura abasaga 1800 ni bo bahawe akazi mu bikorwa by’ubucukuzi n’ibindi byo kongerera agaciro amabuye y’agaciro acukurwa mu kirombe cya Nyakabingo.