M23 yisubiyeho yanga ibiganiro na Leta ya Tshisekedi i Luanda

Ihuriro AFC/M23 ryatangaje ko ryikuye mu biganiro byo gushaka amahoro byagombaga guhuza abayobozi baryo n'aba Leta ya Repubulika Iharanira Demokarasi ya Congo (DRC).

Mu minsi ishize nibwo umuhuza w'impande zombi ari we Angola, yari yemeje ibyo guhura kwa M23 na Leta ya Perezida Tshisekedi.

Ibi biganiro byagombaga kubera i Luanda muri Angola, kuri uyu wa Kabiri, tariki 18 Werurwe 2025.

Mu itangazo ryo kuri uyu wa Mbere, ihuriro rya AFC/M23, ryavuze ko iki cyemezo cyatewe n'ibihano byafatiwe abayobozi baryo, ndetse rigaragaza ko hari imiryango mpuzamahanga iri kubangamira inzira igamije kugarura amahoro binyuze mu biganiro.