Imiryango 5 Ishingiye ku Myemerere yahagaritswe burundu- RGB

Kuri uyu wa 31 Mutarama 2025, Urwego rw'Igihugu rw'Imiyoborere 'RGB' rwatangaje ko rwatesheje agaciro icyangombwa cy'ubuzimagatozi kuri imwe mu Miryango Ishingiye ku Myemerere.

Iyi Miryango yahagaritswe gukorera mu Rwanda, yagaragaweho kutubahiriza amategeko, ndetse n'ibindi bibazo biri mu miyoborere n'amakimbirane adashira.

Urwego rw'Igihugu rw'Imiyoborere, rwahishuye ko rwakoze ubugenzuzi mu bihe bitandukanye, rubona ko hari imwe mu Miryango Ishingiye ku Myemerere ikorera mu Rwanda ifite ibibazo bitandukanye. Ari na yo mpamvu hari iyambuwe ibyangombwa.

Imiryango Ishingiye ku Myemerere uko ari itanu yambuwe ubuzimagatozi harimo: Rwanda Victory Mission, Pentecostal Out Reach Church, International Missionary Society- Seven Day Adventist Church Reform Movement, Eglise De L'heure Prophetique  Du Septieme Jour, hamwe na Communaute Methodist Unie International.

RGB yaboneyeho isaba Imiryango Ishingiye ku Myemerere kubaha no gukurikiza ibiteganywa n'amategeko bakanikemurira ibibazo binyuze mu miyoborere myiza.