Rubavu: Inzu 46 zasenywe n'imvura idasanzwe

Harabarurwa inzu 46 zasenywe n’imvura nyinshi yaraye iguye mu bice bitandukanye by’Akarere ka Rubavu mu Ntara y'Uburengerazuba, by’umwihariko mu Murenge wa Nyakiriba.

Inzego z'ubuyobozi muri aka karere zatangaje ko hari na hegitari 9 z’imirima ihinzeho ibirayi n’ibigori yangijwe n’iyi mvura.

Ni mu gihe mu gitondo cyo kuri uyu wa Mbere, tariki ya 21 Mata 2025, abaturage bazindukiye mu muganda wo gusibura inzira z’imigezi kuko zari zafunzwe n’isuri yaturutse mu Ishyamba rya Gishwati.