AMATORA: Ibyihariye kuri 'Niyonshuti Ben' watorewe kuba Umudepite uhagarariye Urubyiruko

Niyonshuti Ben

‎Niyonshuti Ben niwe watorewe gusimbura Umudepite uhagarariye urubyiruko mu Nteko Ishinga Amategeko y'u Rwanda, mu matora yabaye kuri uyu wa Gatatu tariki 02 Nzeri 2026.

Amajwi y’agateganyo yatangajwe na ‎Komisiyo y'Igihugu y'Amatora, NEC, yerekana ko uyu mukandida yatowe n'abantu 47 mu gihe Shema David wamukurikiye yagize amajwi 20.

🚨 REGISTRATION IS NOW LIVE! 🚨

The wait is over. YouthConnekt Africa Summit 2026 is calling. 🌍🔥

Under the theme “Shaping The Generational Mission,” Africa’s young leaders, innovators, creators, entrepreneurs, and changemakers will come together to connect, exchange ideas,… pic.twitter.com/BUbTQom1HZ
— YouthConnekt Africa (@YouthConnektAf) September 3, 2026

Uyu musore w'imyaka 27, yize muri Kaminuza ya Kigali ahakura impamyabumenyi y'icyiciro cya kabiri mu bijyanye n'Imiyoborere. Yagize kandi uruhare mu miyoborere y'ibigo bitandukanye byibanda ku mibereho myiza, ubwuzuzanye ndetse n'Iterambere.

GUTANGAZA BY’AGATEGANYO IBYAVUYE MU MATORA YO GUSIMBURA UMUDEPITE UHAGARARIYE URUBYIRUKO MU NTEKO ISHINGA AMATEGEKO pic.twitter.com/NKHpnYdKHw
— National Electoral Commission | Rwanda (@RwandaElections) September 2, 2026

Niyonshuti Ben usanzwe yikorera ndetse akaba ashinzwe ubukangurambaga mu rubyiruko rw’abakorerabushake mu Karere ka Nyarugenge hamwe n’Imibereho Myiza mu Rugaga rw’Urubyiruko mu Mujyi wa Kigali yatsinde amatora yabaye ku wa 02 Nzeri 2026, mu Mujyi wa Kigali by'agateganyo akaba yari ahanganye na bagenzi bagera kuri 53.

Niyonshuti azaba ari muri babiri bahagarariye urubyiruko mu Nteko Ishinga Amategeko y’u Rwanda, akazarangiza manda yari yatangiwe na Icyitegetse Venuste weguye.

🔴AMATORA: Ibyihariye kuri 'Niyonshuti Ben' watorewe kuba Umudepite uhagarariye Urubyiruko

Inkuru irambuye: https://t.co/Lwkf27Clk9 pic.twitter.com/ZACIamtEMZ
— URUMURI NEWS (@UrumuriMedia) September 3, 2026

Gutangaza burundu ibyavuye muri aya matora bizakorwa mu gihe kitarenze iminsi irindwi y’akazi, hashingiwe ku biteganywa n’amategeko, gusa bishobora kujya no munsi y’iyo minsi mu gihe nta mukandida watanze ubujurire bushingiye ku kutanyurwa n’imigendekere y’amatora.