Nyamagabe: Ku mwanya wa mbere mu turere dukennye kurusha utundi - Ubushakashatsi

Ubushakashatsi bwa 7 ku mibereho y’ingo mu Rwanda, EICV7, bwamuritswe kuri uyu wa Gatatu bwerekanye ko Akarere ka Nyamagabe ari ko gakennye kurusha utundi twose mu Rwanda, ku kigero cya 51,4%. Nyamagabe ikurikiwe na Gisagara 45,6% hamwe na Rusizi 44,2%. Ni mu gihe Akarere ka Nyarugenge ari ko gafite igipimo gito cy’ubukene 6,8%.

 

Nk’uko Raporo ibigaragaza, uturere 10 twa mbere tugaragaramo ubukene ni utwo mu Burengerazuba n’Amajyepfo, mu gihe uturere 16 turi munsi y’igipimo cy’impuzandengo rusange ku rwego rw’Igihugu 27,4%.

 

Ubukene mu Rwanda bugeze kuri 27, 4% buvuye kuri 38,2% bwariho mu 2017. Ni ukuvuga ko ubukene bwagabanutseho 12,4% mu myaka irindwi ishize. Aho abaturage barenga Miliyoni 1,5 bavuye mu bukene.