Umufaransa Fabien Doubey ukinira Team Total Energies ni we wegukanye Tour du Rwanda 2025, akoresheje amasaha 19 iminota 35 n'amasegonda 12, ku ntera y'ibilometero 827.5.
Kuri iki Cyumweru tariki 02 Werurwe 2025, nibwo hasojwe isiganwa mpuzamahanga rya Tour du Rwanda, ryari rimaze iminsi umunani ribera mu Rwanda.
Ni nyuma y'uko hakinwaga agace ka nyuma katakinwe uko kari gateganyijwe kubera imvura yaguye mu Mujyi wa Kigali.
Fabien Doubey yakurikiwe na Henok Mulubrhan yasizeho amasegonda atandatu, na Oliver Mattheis wa Bike Aid yarushije amasegonda 11.
Umunyarwanda wasoreje hafi ni Masengesho Vainqueur, wabaye uwa 7, asigwa amasegonda 51.
Abandi bakinnyi begukanye ibihembo muri Tour du Rwanda yakinwaga ku nshuro ya 17, harimo: Nsengiyumva Shemu ukinira Java-InovoTec wabaye Umukinnyi mwiza mu kuzamuka imisozi.
Umukinnyi wahize abandi mu kuvuduka ahatambika [sprint], ni Munyaneza Didier wa Team Rwanda.
Ni mu gihe Umukinnyi muto mwiza yabaye Milan Donie ukinira Lotto Development Team.
Ikipe nziza yatwaye igihembo muri iri rushanwa ni Bike Aid.
Mu bandi bitwaye neza harimo Umunyafurika mwiza, Henok Mulubrhan wo muri Eritrea. Naho Umunyafurika muto mwiza aba Yoel Habteab ukinira Bike Aid.
Umunyarwanda mwiza wahembwe ni Masengesho Vainqueur wa Team Rwanda. Mu gihe Umunyarwanda mwiza mu bato yabaye Ruhumuriza Aimé ukinira May Stars.
.jpg)
Comments
Post a Comment
Kanda ahanditse 'PUBLISH' udusangize igitekerezo cyawe.
AMATEGEKO N'AMABWIRIZA BIRAKURIKIZWA
N.B: Irinde kwandika amagambo arimo ibitutsi, gusebanya cg se kwibasira abandi.
Igitekerezo cyawe kirasuzumwa nyuma y'uko ucyohereje. Murakoze
©️URUMURI NEWS MEDIA